ВАСИЛЬЕВ Леонид Михайлович

ВАСИЛЬЕВ Леонид Михайлович (14.6.1926, Псков губернаһы Красино а. — 2.9.2015, Өфө ҡ.), тел белгесе. БР ФА‑ның почётлы академигы (2002), филология фәндәре докторы (1972), профессор (1974). БАССР‑ҙың атҡаҙанған фән эшмәкәре (1977), СССР‑ҙың мәғариф отличнигы (1970), РФ‑тың почётлы профессиональ белем биреү хеҙмәткәре (2001). А.И.Герцен исемендәге Ленинград педагогия институтын тамамлаған (1952). 1955 й. алып Тубыл педагогия институтында уҡыта, 1958 й. башлап БДУ‑ла эшләй (1974—90 йй. дөйөм һәм сағыштырма-тарихи тел ғилеме кафедраһы мөдире). Фәнни тикшеренеүҙәре дөйөм тел ғилеме, лингвистик философия һәм семантика проблемаларына, телдең төрлө кимәлдәрендә ҡулланылған системалылыҡ, структурлыҡ һәм тамғалыҡтың методологик мәсьәләләренә, славян телдәрен сағыштырма-тарихи, сағыштырма өйрәнеүгә арналған. В. хәҙерге урыҫ теле материалында семантик категорияларҙың типологияһын эшләй.

  Х е ҙ м.: Системный семантический словарь русского языка. Предикатная лексика. Т. 1. Уфа, 2005; Теоретические проблемы общей лингвистики, славистики, русистики. Уфа, 2006; Современная лингвистическая семантика. 2‑е изд., доп. М., 2009.

В.Л.Ибраһимова

Тәрж. Р.Ә.Сиражитдинов