КИРАЙДТ Рудольф Иванович
КИРАЙДТ Рудольф Иванович (1.1.1939, Опочка ҡ. — 13.4.2020, Өфө ҡ.), архитектор, педагог. РФ‑тың атҡаҙанған архитекторы (1996), БАССР‑ҙың атҡаҙанған төҙөүсеһе (1981). Архитекторҙар союзы ағзаһы (1974). Мәскәү архитектура институтын тамамлаған (1968). Өфө ҡ. эшләй: 1961 й. алып “Башкиргражданпроект” институтында, бер үк ваҡытта 1977—84 йй. ӨНИ-лә уҡыта, 1988 й. — “Альтернатива”, 1989 й. — “Коду” проект ойошмаларында, 1992 й. башлап “КИРСС” проект оҫтаханаһы директоры, 1999 й. — директор урынбаҫары, бер үк ваҡытта 2004 й. алып архитектор‑реставраторы.
Байтаҡ йәмәғәт биналарының (35‑се урта мәктәп бинаһы, 1976; Авиация техникумының яңы бинаһы, 1980 һ.б.) һәм торлаҡ йорттарҙың (Төньяҡ микрорайонында “түңәрәк” йорт, 1981; Телеүҙәк микрорайонында 12 ҡатлы йорттар, 1982; Яңауыл микрорайонында тәүге терраса тибындағы йорттар, 1991; бөтәһе лә — Өфө ҡ.), “Асы” шифаханаһының дауалау‑һауыҡтырыу корпусы (2002, А.Р.Кирайдт менән авторҙашлыҡта) проекттарын; реконструкция һәм реставрация проекттарын (БР Профсоюздар федерацияһы Советы бинаһы, 1986, авторҙаш; Килем мәсете, Килем һарайы, “Президент Отель” һ.б.) әҙерләй.
Әҙәб.: Донгузов К.А. Союз архитекторов Республики Башкортостан: история и современность. Уфа, 1998.
Тәрж. Г.Һ.Ризуанова