МАКСИМОВИЧ Георгий Алексеевич

МАКСИМОВИЧ Георгий Алексеевич (29.5.1904, Варшава ҡ. — 16.5.1979, Пермь ҡ.), тау инженеры‑геолог. Геология‑минералогия фәндәре докторы (1945), профессор (1934). Днепропетровск тау институтын тамамлаған (1926). Фәнни эшмәкәрлеге нефть геологияһы, гидрогеологияһы, гидрогеохимияһы һәм геоморфологияһы, карсты өйрәнеү ғилеме һәм спелеология менән бәйле. Карсты өйрәнеү ғилеме һәм спелеология институтын (Пермь ҡ.) ойоштороусыларҙың береһе. М. тарафынан Урал һәм Башҡортостандың Урал алды карсын районлаштырыу үткәрелгән, карст күренештәре һәм формалары классификацияһы төҙөлгән; Өфө яйлаһының төньяҡ өлөшө карсы тасуирлана. СССР География йәмғиәтенең почётлы ағзаһы (1970). “Почёт Билдәһе” ордены менән бүләкләнгән (1953). М. исеме менән БР‑ҙа Ҡыҙылъяр мәмерйәһе аталған (1964). Пермь университеты бинаһына мемориаль таҡтаташ ҡуйылған.

  Х е ҙ м.: Химическая география вод Суши. М., 1955; Основы карстоведения. Т.1—2. Пермь, 1963—1969; Карст карбонатных нефтегазоносных толщ. Пермь, 1978 (авторҙ.).

  Әҙәб.: Г.А.Максимович. Пермь, 2004. 

Т.В.Воронина

Тәрж. Г.М.Ғәлиева