МАНШЫР НЕФТЬ ЯТҠЫЛЫҒЫ

МАНШЫР НЕФТЬ ЯТҠЫЛЫҒЫ, республиканың төньяҡ‑көнбайышында Дүртөйлө һәм Илеш райондары территорияһында урынлашҡан. Бөрө биләненең Саҡмағош валында контраст антиклиналь структураға тура килә. Оҙонлоғо 30 км, киңлеге 10 км. Ятыштары структуралы, көмбәҙле. Девон, тула һәм бобрик горизонттарының терриген ҡатлауҙары ҡомташтарында, турней ярусы, урта карбондың кашира горизонты карбонаттарында нефть бар. Төп запастары (96%) аҫҡы карбон терриген ҡатлауҙарының (ҡалынлығы 15 м тиклем) 6 ҡатламына тура килә. Нефте ауыр (тығыҙлығы 0,891 г/см³), ҡуйы (18 МПа•с), уның газ факторы 20 м³/м³. 1953 й. асыла, 1957 й. файҙаланыуға тапшырыла. «“Башнефть” АНК» асыҡ АЙ “Башнефть—  Добыча” ЯСЙ‑ның “Чекмагушнефть” НГДУ‑һы үҙләштерә.

К.С.Баймөхәмәтов

Тәрж. Г.М.Ғәлиева