АККУЧУКОВА Роза (Рауза) Сабирйән ҡыҙы
АККУЧУКОВА Роза (Рауза) Сабирйән ҡыҙы (12.2.1950, Белорет ҡ. — 8.2.2021, Өфө, БР-ҙың Белорет районы Абҙаҡ ауылында ерләнгән), йырсы. БР‑ҙың халыҡ (2009), БАССР‑ҙың атҡаҙанған (1989) артисы. 1973 йылдан алып Башҡорт филармонияһының эстрада артист‑вокалисы, 1999 йылдан — баш администраторы.
Хислелеге һәм ихласлығы менән айырылып торған үҙенсәлекле тауышҡа эйә була. Репертуарында “Зөлхизә”, “Түрәкәй”, “Һары ла сәс”, “Сыбай ҡашҡа” һ.б. башҡорт халыҡ йырҙары; З.Ғ.Исмәғилев, А.Т.Кәримов, Т.Ш.Кәримов, Р.В.Сәлмәнов, Х.Ф.Әхмәтов һ.б. йырҙары һәм романстары. А.Р.Хәлфетдиновтың “Алтын балдаҡ” (З.А.Биишева шиғыры), “Һин ултыртҡан муйыл” (Р.Н.Шәғәлиев), “Аҡсарлаҡ” (Р.С.Янбулатова) йырҙарын тәүге башҡарыусы. СССР буйлап гастролдәрҙә була.
Тәрж. Г.С.Балтабаева