ЯМАҘЫ УРТА МӘКТӘБЕ
ЯМАҘЫ УРТА МӘКТӘБЕ, Яңауыл р‑нында урынлашҡан. 1907 й. мәҙрәсәбулараҡ асыла, 1918 й. алып 1‑се баҫҡыс берҙәм хеҙмәт мәктәбе, 1930 й. — А.С.Бубнов ис. колхозсы йәштәр мәктәбе, 1939 й. башлап хәҙ. исемен һәм статусын йөрөтә. Компьютер класы, китапханаһы, спорт залы, ағас эше һәм тегеү оҫтаханалары, тыуған яҡты өйрәнеү музейы, интернаты, уҡыу‑производство участкаһы бар. 1930 й. алып мәктәпте 4,1 меңдән ашыу кеше тамамлаған (2010), улар араһында Ә.М. Ғиниәтуллина, Р.Б.Камаев, Р.Ш. Нәсибуллин, Р.М.Рәимов, А.Р.Саяпова, В.С.Сөләймәнов, Р.М.Тимершин, Р.А.Ханнанов, И.Ғ.Юзиев, Н.Ғ. Юзиев бар. Мәктәп бинаһына Чечнялағы хәрби хәрәкәттәр ваҡытында һәләк булған А.Н.Әхмәҙишинға мемориаль таҡтаташ (2005), терр‑яһына Бөйөк Ватан һуғышы йылдарында һәләк булған уҡытыусыларға һәм уҡыусыларға һәйкәл (1967) ҡуйылған.
З.М.Хәлимйәнов Тәрж. Ә.Н.Аҡбутина