РӘХМӘТУЛЛИНА Зөһрә Йыһанур ҡыҙы
РӘХМӘТУЛЛИНА Зөһрә Йыһанур ҡыҙы (26.8.1961, БАССР‑ҙың Иглин районы Түбәнге Ләмәҙ а.), философ, педагог. Философия фәндәре докторы (2001), профессор (2004). БР‑ҙың атҡаҙанған фән эшмәкәре (2006). БДУ‑ны тамамлаған (1985), 1991 й. алып шунда уҡ эшләй: 2000 й. башлап ЮНЕСКО кафедраһы, 2002—04 йй. һәм 2006 й. алып этика, эстетика һәм культурология кафедраһы мөдире. 2004—06 йй. БР‑ҙың мәғариф министры, 2010 й. башлап БР Хөкүмәте, 2011 й. — Дәүләт думаһының Мәҙәниәт буйынса комитеты рәйесе урынбаҫары, 2021 й. алып РФА Өфө федераль тикшеренеүҙәр үҙәгенең Тарих, тел һәм әҙәбиәт институты директоры. Фәнни тикшеренеүҙәре мәҙәниәт һәм мәғариф философияһы, этика һәм эстетика проблемаларына арналған. РФ Дәүләт думаһының 6—7‑се саҡырылыш депутаты. БР‑ҙың Халыҡтар ассамблеяһы рәйесе (2015 й. алып). 2‑се дәрәжә “Ватан алдында күрһәткән хеҙмәттәре өсөн” орденының миҙалы менән бүләкләнгән (2016).
Х е ҙ м.: Башкирская традиция (социально‑философский анализ). Уфа, 2000; Традиция как социокультурный феномен. Уфа, 2009; Мир держится на культуре: философское осмысление. Уфа, 2021.
Тәрж. М.Ә.Ҡотлоғәлләмов