МАЙОРОВ Анатолий Петрович

МАЙОРОВ Анатолий Петрович (23.4.1940, БАССР‑ҙың Ейәнсура районы Башҡорт Самаҙыһы а.), тел белгесе. Филология фәндәре докторы (1999), профессор (2000). БАССР‑ҙың атҡаҙанған мәҙәниәт хеҙмәткәре (1982), РФ‑тың почётлы юғары профессиональ белем биреү хеҙмәткәре (2005). БДУ‑ны тамамлағандан һуң (1962) 1967 й. тиклем шунда уҡ уҡыта, 1973 й. алып БДМУ‑ның сит телдәр кафедраһы мөдире. Фәнни тикшеренеүҙәре дөйөм тел ғилеменә (тел онтологияһы мәсьәләләре), социолингвистикаға (күп теллелек шарттарында коммуникатив арауыҡтың формалашыуы), контрастив лингвистикаға (башҡорт теле, инглиз теле, немец теле, урыҫ теле материалында) арналған. Көләмәстәрҙе, “Тарғын менән Ҡужаҡ”, “Ҡарас менән Аҡша”, “Ҡараһаҡал” һ.б. эпостарҙы, Ф.Ә.Исхаҡова, Ибр.Ғ.Ғиззәтуллин һ.б. әҫәрҙәрен урыҫ теленә тәржемә итә.

  Х е ҙ м.: Социальные аспекты взаимодействия языков в билингвистическом коммуникативном пространстве. Уфа, 1997; Социальный билингвизм и языковое пространство. Уфа, 1998; Формирование учебного языкового коммуникативного пространства (с включением национально‑регионального компонента на материале английского языка). Уфа, 2008 (авторҙ.). 

Р.З.Мерәҫов

Тәрж. М.Х.Хужин